Со возобновувањето на монашкиот живот во Манастирот Успение на Пресвета Богородица Матка, во склоп на конакот,во 1998 година се основа параклисот посветен на Свети Григориј Палама и Свети Наум Охридски.
![Paraklis-sveti-Grigorij-Palama-sveti-Naum-Ohridski-p-1](https://uspenie-matka.org.mk/wp-content/uploads/2021/10/paraklis-sveti-grigorij-palama-sveti-naum-ohridski-p-1.jpg)
![Paraklis-sveti-Grigorij-Palama-sveti-Naum-Ohridski-p-2](https://uspenie-matka.org.mk/wp-content/uploads/2021/10/paraklis-sveti-grigorij-palama-sveti-naum-ohridski-p-2.jpg)
![Paraklis-sveti-Grigorij-Palama-sveti-Naum-Ohridski-p-3](https://uspenie-matka.org.mk/wp-content/uploads/2021/10/paraklis-sveti-grigorij-palama-sveti-naum-ohridski-p-3.jpg)
![Paraklis-sveti-Grigorij-Palama-sveti-Naum-Ohridski-p-4](https://uspenie-matka.org.mk/wp-content/uploads/2021/10/paraklis-sveti-grigorij-palama-sveti-naum-ohridski-p-4.jpg)
![Paraklis-sveti-Grigorij-Palama-sveti-Naum-Ohridski-p-5](https://uspenie-matka.org.mk/wp-content/uploads/2021/10/paraklis-sveti-grigorij-palama-sveti-naum-ohridski-p-5.jpg)
![МАНАСТИРСКИОТ КОНАК - ПОГЛЕДНЕТЕ](https://uspenie-matka.org.mk/wp-content/uploads/2021/10/paraklis-sveti-grigorij-palama-sveti-naum-ohridski-p-8.jpg)
![Paraklis-sveti-Grigorij-Palama-sveti-Naum-Ohridski-p-6](https://uspenie-matka.org.mk/wp-content/uploads/2021/10/paraklis-sveti-grigorij-palama-sveti-naum-ohridski-p-6.jpg)
Иконостас од XVIII -ти век
Од самото основање на сестринство при манастирот, сите богослужби, освен Литургијата, сестрите ги одржуваат во параклисот на свети Григориј Палама и свети Наум Охридски. Во 2000-та година, кога во црквата е поставен новиот иконостас во плитка резба, со нови икони, стариот иконостас од XVIII век се вклопува во параклисот.
![Presveta-Bogorodica-Matka](https://uspenie-matka.org.mk/wp-content/uploads/2021/10/presveta-bogorodica-matka-1-1024x683.jpg)
Чудотворна икона на Пресвета Богородица XVIII -ти век
Иконата на Пресвета Богородица со Христос која е дел од иконостасот од XVIII век, на барање на верниците кои имаат изградено молитвен однос кон Пресвета Богородица, почитувајќи ја оваа нејзина икона, е повторно вратена, и денес се наоѓа во црквата на посебно постолје со плитка резба.
Иконата според извештај на заводот за заштита на споменици и култура на град Скопје нема голема вредност. Нејзината вредност за верниците, за сите нас, како икона на Пресвета Богородица, заштитничката на нашиот манастир и градот Скопје, Македонија, е огромна.
Во времето на престојот во манастирот Успение на Пресвета Богородица-Матка, на свети Гаврил, епископот Велички, неговиот татко монах Кирил по едно искушение, и молитва пред иконата, се удостоил да добие утеха од Пресвета Богородица и видел светлина од нејзините очи. На самата икона има траги од солзи.