Постојат повеќе црковнословенски книги мал дел во ракопис, а поголем дел печатени, на кои се оставени записи дека се своина на манастирот Успение на Пресвета Богородица во Матка.
Ползувани се при богослужбите, во периодот од XIX-ти век до денешни дни.
Книгите кои се денес дел од библиотеката на манастирот, во голем дел се богослужбени, но има и богословски изданија, како Лествицата на свети Јован Лесвичник, изданија на Свети Јован Кронштадски, Свети Серафим Саровски. Сведоштво се за континуираниот монашки живот во манастирот Успение на Пресвета Богородица-Матка.
Нивната каталогизација и кратка обработка ни е проект кој би сакале во блиска иднина да го реализираме.
![Minej-XVIII-vek-Manastir-Matka-1](https://uspenie-matka.org.mk/wp-content/uploads/2022/03/minej-xviii-vek-manastir-matka-1-1033x1033.jpg)
![Minej-XVIII-vek-Manastir-Matka-2](https://uspenie-matka.org.mk/wp-content/uploads/2022/03/minej-xviii-vek-manastir-matka-2-1033x1033.jpg)
МЕСЕЧНИ МИНЕИ ОД СЕПТЕВРИ ДО АВГУСТ
Добро сочувани, сите се печатени изданија во Киев.
На Минеите (скоро за сите месеци), кои и денес се користат во Богослужбите забележано е дека се оставени во наследство на библиотеката на манастирот од Јеромонах Симон Петкович кој се упокоил на 07.06.1914г.
Собрат и настојател на манастирот, во времето на упокоение на о.Симеон бил јеромонах Теофил.